Assalamualaikum Warahmatullahi Wabarakatu/Selamat Malam,,,,
Blogg nie di buat untuk beta punk basudara donk samua
dari Tanah Maluku, karena katong samua tau bahwa Tanah Maluku skarang
bukan lha Tanah yang Damai dan Aman lae, Maluku skarang penuh deng berbagai
konflik, sama-sama basudara, berasal dari kampong yang sama, berasal dari Tete
dan Nene Moyang yang sama tapi saling baku ambe, laeng sng sanang laeng, laeng
binci laeng.
Beta cuman mau bilang, yang beta inginkan hanyalah
Kedamaian karena dengan Kedamaian katong samua akan saling Menghargai,
Menghargai akan membawa katong samua saling Berpegang Tangan. Kalau
katong samua warga Maluku saling menghargai, saling percaya satu sama lain, sng
ada ego dalam diri masing-masing dan saling bergandeng tangan maka Maluku ini
akan mudah untuk lebih maju. Jadi untuk basudara Maluku samua, mari sama-sama
katong bagandeng tangan Jang ada lae kasi tunju palungku dan jangan mau
di adudombakan oleh orang-orang yang seng berguna. Orang-orang yang seng
berguna itu donk hanya mau kasi pica katong samua,dong hanya mau lihat Maluku penuh
darah. Ingat “walaupun katong samua pada dasarnya beda Agama tapi Ingat
katong samua basudara, berasal dari tanah yang sama ‘Tanah Maluku’, berasal
dari Tete dan Nene moyang yang sama. Katong samua adalah Pela dan Gandong”.
Jadi untuk samua basudara, mari rapat kamari katong
saling bergandeng tangan, menghargai pendapat orang lain, yang bermanfa’at ambe
akang buat patokan dan dilaksanakan, yang seng bermanfa’t buang akang jauh-jauh
jua. Ingat Orang yang bermanfa’at adalah Orang yang menjadi bagian dari
Perubahan. Sama-sama sakarang katong samua majukan Tanah Maluku, Untuk hari
esok terbentuk lha Maluku yang Maju, Maluku Bersatu, Laeng kasi Inga
Laeng_Laeng Bantu Laeng_Leang Sayang Laeng, yang di persembahkan for
Samua anak Cucu Basudara Maluku.
Beta Minta Ma’f Jua kalau Ada Kata Yang
Salah.
Blogg ini beta buat dan masih banyak kekurangan
jadi kalau ada masukan atau ada tambahan untuk kelengkapan blogg ini
silahkan di komen.
Tidak ada komentar:
Posting Komentar